Rusiye Fevqulâde vaziyetler hızmeti «gumanitar konvoy» olaraq adlandırğan on birinci yük Podmoskovyeden Rostov vilâyetine yolğa çıqtı.
Rusiye MÇS «RİA-novosti» agentligine bergen malümatına köre, avtokolonna Donetsk ve Lugansk vilâyetleriniñ sakinlerine aman-aman bir buçuq tonnalıq yükni – aşayt mahsulatı ve bala yemeklerini alıp ketecek.
Kolonna 60 maşinadan ibaret.
«Bu maşinalar em de diger regionlardan Rostov vilâyetine yollanılğan maşinalar Donbass içün on birinci gumanitar yardımnı şekillendirilecek», – aytıla MÇS beyanatında.
Rusiye tarafı maşinalarda yalıñız kerek şeyler bar olğanını bildire. Faqat bugünge qadar Ukraina gumanitar yükni baqıp olamadı.
Dekabr soñunda Rusiye baş naziri Dmitriy Medvedev «Ukraina şarqı içün gumanitar yardımnı kösterüv» komissiyasınıñ meydanğa ketirilmesi aqqında ayttı. Resmiy Kiyev ukrain ve halqara qanunlarğa riayet etilse, Rusiye «gumanitar yüküniñ» şekillendirilmesinde iştirak etmege razı oldı.
