Link açıqlığı

Saatnıñ esas haberi

«Qamaçav» vaqtından Qırımğa 2 biñ insan keldi


2014 senesi dekabr 28-den 2015 senesi yanvar 2-ne qadar «Çonğar» kiriş noqtasında memuriy sıñırdan tahminen 2 biñ insan keçti.

Bunı öz Facebook saifesinde Qırım naqliyat naziri Anatoliy Tsurkin bildirdi.

«Añqav qomşularnıñ aytqanına baqmadan, Qırım Naqliyat nazirligi yolcularnı kendi ve yabancılarğa bölmey, vatandaşlarğa tuvğanlarına barıp çıqmağa yardım ete»,– dedi Tsurkin.

Onıñ sözlerine binayen, 2014 senesi dekabr 28-den 2015 senesi yanvar 2-ne qadar Canköy şeerinden Çonğarğa 802 yolcu, Aqmescitten Novoalekseyevkağa – 937 yolcu ketirildi. Qırımğa 1936 yolcu keldi.

Tsurkinniñ malümatına köre, bufer zonasında avtobus yüre.

Belli olğanı kibi, 2014 senesi dekabr 26 künü «Ukrzaliznıtsâ» Qırım ile demir yol alâqasınıñ toqtatılması aqqında ilân etken edi, bunıñ ile yarımadağa qatnağan halqara trenlerni lâğu etti. Qırım yönelişi boyunca qatnağan trenler Novoalekseyevka ve Hersonğa qadar yüre.

Yolcular Qırım-Herson sıñırından öz başına ya da maşina vastası ile keçmege mecbur edi. Bufer zonasında yürgen avtobuslarnı yolcular körmeyler.

XS
SM
MD
LG