Link açıqlığı

Aqmescitke yanvar 1-de kelmesi kerek olğan Moskva ve Sankt-Peterburgdan altı uçaq lâğu etildi.

Bunı «Aqmescit» ava limanınıñ saytında olğan onlayn tablo köstere.

Saytta aşkâr etilgen malümatqa köre, Domodedovo Moskva ava limanından dört uçaq, Vnukovo ve Sankt-Peterburgdan birеr uçaq lâğu etilgen.

Seferelerniñ lâğu etilmesiniñ sebepleri belgisiz.

Dekabr 31 künü «Aqmescit» ava limanında mina olması aqqında malümat peyda olğan edi, bu sebepten ava limanında bulunğan insanlarnı tahliye etken ediler. Qısqa vaqıt devamında ava limanınıñ işi toqtatılğan edi. Faqat patlav aletiniñ olması aqqında malümat tasdiqlanılmadı.

Qırım işğalinden soñ, «Aqmescit» ava limanı yalıñız Rusiye uçaqlarını qabul ete.

XS
SM
MD
LG