Link açıqlığı

İşğal etilgen Qırımda sakinlerniñ çoqusı 2015 senesini Ukraina ile qarşılamağa qarar aldı.

Qırım.Aqiqat mühbiriniñ aytqanı kibi, Kiyev vaqtı boyunca yarı gecede Aqmescit yılbaş fişenkleri ile «patladı», olarnıñ sedası şeerde uzun zaman devamında eşitile edi.

Qırımlılar özlerini ukrainliler olaraq köstergenleri aqqında içtimaiy ağlarda da qayd ete ediler.

Ukraina prezidenti Petro Poroşekno memleketni ukrain, rus ve qırımtatar tillerinde hayırladı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG