Link açıqlığı

Qırım cumhuriyet ilmiy kütüphanesine ukrain yazıcısı İvan Frankonıñ adını qaytardılar. Bu ad kütüphanege 1956 senesi berilgen edi ve yaqında müessise ğayrıdan qayd etilgende lâğu etildi.

Bunı Qırım.Aqiqat mühbirine kütüphane hadimleri bildirdiler.

Olarnıñ aytqanına köre, eski levhalarnı yerine qoydılar.

Kütüphane reberligi ile bağ yoq. Hadimlerniñ aytqanına köre, Rusiye Federatsiyasınıñ medeniyet nazirligi yerli akimiyetniñ «ukrain şeylerinen bütünley vedalaşmaq» ıntıluvlarını ögrengen soñ kütüphanege Franko adı qaytarıldı.

Malüm olğanı kibi, «İ.Ya.Franko adına universal ilmiy kütüphane» Qırım cumhuriyet müessisesi yoq etilgen soñ «Qırım cumhuriyetiniñ universal ilmiy kütüphanesi» medeniyet müessisesi olaraq çalışmaq kerek edi. Bu aqqında malümat kütüphane saytında derc etildi.

İşbu malümatqa köre, yoq etüv komissiyasınıñ reisi müessise müdiri Lüdmila Drozdova edi. Yoq etüv qararı Qırım «nazirler şurasınıñ» 2014 senesi avgust 19-ğa ait qararğa esaslanıp qabul etildi.

Kütüphane adınıñ deñiştirilmesi tenqitke oğradı. Qırımnıñ baş kommunisti Leonid Graç Rusiye prezidenti Vladimir Pütinge muracaatta bulunıp, yarımadada «medeniy vandallıqnı» toqtatmağa rica etti.

XS
SM
MD
LG