Link açıqlığı

Qırımnıñ eñ büyük şahsiy hastahanesini mal-mülksiz qaldıralar


Qırım «ükümeti» «Genesis» şahsiy hastahanesiniñ mal-mülkini zorlap satın almaq qararını aldı, dep bildirdi Qırımnıñ öz başına ilân etilgen baş naziri Sergey Aksönov.

Böyle etip «ükümet» vatandaşlarğa bedava sağlıq saqlav hızmetlerini kösterecek ola.

«Adamlardan para alğan bütün devlet hastahaneleriniñ tibbiy donatmaları, şu cümleden tomograf ve laboratoriyalarnı zorlap satın almağa qarar alındı. Bizler eali içün areket etemiz, çünki donatmalar nasıl etip satın alınğanını añlaymız: memuriy basqı altında. Em de bücet paralarını tüşünemiz. Böyle etip bedava tibbiy hızmetler kösterilecek ve tedaviylev esnası bozulmaycaq», – dedi Aksönov.

Onıñ bildirgenine köre, al-azırda laboratoriya ve donatmalar hastahanelerniñ baş ekimlerine imayege berildi.

XS
SM
MD
LG