Qırımda yılbaş ve milât bayramları devamında poçta bölükleri dört kün çalışmaycaq. Böyle bir ilânlarnı poçta bölükleri asqan, dep haber ete Krım Media.
Böylece, 2015 senesiniñ yanvar 1, 2, 4 ve 7 künleri tatil olacaq. Neşirniñ malümatına köre, dekabr 31-de ve yanvar 6-da poçta bölükleriniñ iş künü bir saatke qısqartılacaq. Yanvar 3, 5, 8 ve 9 künleri ise poçta bölükleri çalışacaq.
«Poçta Rossii» müessisesiniñ matbuat hızmeti bildire ki, tatil ve bayram künleri nefaqa ve maddiy yardım Rusiye nefaqa fondunıñ regional bölükleri ile añlaşıp berilecek.
Yanvar 1, 2 ve 7 künleri poçta qutularından mektüp ve neşirler alınmaycaq.
