Link açıqlığı

2014 senesi Qırım toplulığı ve Qırım musulmanları içün sınav zamanı oldı, dep aytalar Qırım musulmanları Diniy idaresinde.

«İçtimaiy-siyasiy ayatta yüz bergen deñişmeler, tabiiy ki de, er keske tesir etti. Raatsız künlerde musulmanlar camilerde toplaşıp, ibadet ete ediler. Diniy erbapları ve imamlar cuma namazlarında musulmanlarnı birlik, tınçlıq ve sabırğa çağıra ediler», – aytıla Qırım Müftiyatınıñ beyanatında.

Müfti acı Emirali Ablayevniñ yolbaşçılığında Qırım musulmanları Diniy idaresinde Qırımda barışıq ve tınçlıq olması içün dua oquldı.

2014 senesi mart ayında Rusiye Qırımnı işğal etken soñ yarımadada qırımtatar qoranta, medrese ve camilerde tintüvler ötkerilip başlandı. Halqara uquq qorçalayıcı teşkilâtlar tamır halqqa kösterilgen basqını qayd eteler.

XS
SM
MD
LG