Link açıqlığı

İşğalci akimiyet Vatanına qaytıp kelgen 80 qorantağa dairelerniñ berilüvi aqqında esabatnı aşkâr etti


İşğal etilgen Qırımda işğalci akimiyet aqlanğan halqlarnıñ adabanlaştıruvı leyhası boyunca 80 qırım qorantasına daire anahtarlarını taqdim etti. Bunı salı künü, dekabr 30-da, Qırım akimiyetiniñ matbuat hızmeti öz Facebook saifesinde bildirdi.

Daire anahtarlarını baş nazir muavini Ruslan Balbek «Rusiye Federatsiyası prezidentiniñ «Ermeni, bulğar, yunan, qırımtatar ve alman halqlarınıñ aqlavı ve inkişafınıñ devlet tarafından yardımı boyunca qararlar» Fermanınıñ amelge keçirilüvi çerçivesinde» taqdim etti», – denile beyanatta.

«İşbu fermannıñ amelge keçirilmesi çerçivesinde – 2020 senesine qadar, aqlanğan halqlarnıñ abadanlaştıruvı leyhası çerçivesinde, Qırım Ukrainanıñ uquqiy alanında olğan 23 yıl devamında berilgen meskenniñ sayısı 3,5 qat artacaqtır. Bugün «nice seneler devamında soñsuz nevbetlerde turğan» 80 ailege, niayet, çoq beklenilgen meskenler berilecek ve olar Yañı yılnı şahsiy evlerinde, rusiyeli Qırımda qayd etecektir», – dedi Ruslan Balbek.

Qırım akimiyetiniñ matbuat hızmeti bergen malümatqa köre, dekabr 29 künü Ruslan Balbek Canköy rayonı Timofeyevka köyünde 10 qırımtatar ailesine daire orderlerini bergen eken.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG