Link açıqlığı

Saatnıñ esas haberi

Matbuat vastaları: bergi hızmetine olğan nevbette qırımlı elâk oldı


İşğal etilgen Qırımda cümertesi künü, dekabr 27-de, Aqmescitniñ «Federal bergi hızmeti» binası yanında olğan nevbtte insan elâk oldı. Bunı salı künü, dekabr 30-da, 15 minut saytı bildirdi.

Şaatnıñ sözlerine köre, adam Aqmescitniñ «Federal bergi hızmeti» binasınıñ ekinci qatında olğan ameliy-müşteri salonında elâk oldı.

«O vaqıt oda rıqma-rıq insanlar ile tolu edi», – dep bildire şaatnıñ sözlerini neşir.

«Bergi hızmetiniñ matbuat merkezi bu mesele boyunca izaat bermey. Qırımnıñ İçki işler nazirliginiñ baş idaresinde bu malümatnı tasdiqladılar, amma tafsilâtlıca haber etmege istemediler», – denile beyanatta.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG