Link açıqlığı

PAO «Ukrtelekomnıñ» Qırım bölügi dekabr 29-dan itibaren telefon bağ hızmetleriniñ ödevlerini qabul etmey. Bu aqqında Keriç merkezindeki şirket ofisiniñ qapusında asılğan ilânda aytıla. Bölük de qapalı.

«29.12.2014 itibaren telekommunikatsion hızmetleriniñ parası vaqtınca qabul etilmey. Ödev qabul etilmesiniñ ğayrıdan tiklenmesi aqqında qoşma olaraq haber etecekmiz», – aytıla ilânda.

Bir çoq keriçli bunı beklemedi. Yañı yılğa qadar borclarnı qapatmağa istegen müşteriler Furmanov soqağındaki şirketniñ merkeziy ofisinde hızmetlerni ödemege ümüt eteler. Lâkin anda da ödevlerni qabul etmeyler.

Şirket hadimi Qırım.Aqiqat mühbirine bergen malümatqa köre, mında yanvar 12, Rusiyede tatil bitmegenine qadar, müşterilerni qabul etmeycekler.

Aqmescitteki PAO «Ukrtelekom» ofisinde deyler, hızmet ödevleri qabul etile.

XS
SM
MD
LG