Link açıqlığı

Saatnıñ esas haberi

Poroşenko Qırımnıñ naqliyat qamaçavını red etip, bunıñ sebebi terroristik telüke olğanını bildire


Ukraina Qırımnıñ naqliyat qamaçavını yapmay ve naqliyat vastaları teşkerilip başlağan soñ taşımalarnı ğayrıdan tikleycek. Bunı Ukraina prezidenti Petro Poroşenko matbuat konferentsiyasında bildirdi.

«Qırımnıñ iç bir qamaçavı yoq. Ukrainanıñ diversion gruppalardan imayesini temin etken tedbirler bar. Şimdilik terroristik telüke vaziyetinde, trenler ve avtobuslar Ukraina devleti içün telükeli olğan şahıslarnı ketirgen vaqıtta, imkânsız edi. Al-azırda bu naqliyat vastalarını nasıl etip semereli teşkermek mümkün olğanı baqıla. Bizler memleketimizniñ barışıq ve tınçlığını saqlap qalmaq kerekmiz», – dedi prezident.

Petro Poroşenko dedi ki, Ukraina akimiyetiniñ qamaçavnı basqı vastası olaraq qullanmağa niyeti yoq.

Dekabr 27-den itibaren «Ukrzaliznıtsâ» Qırım ile demir yol alâqalarını toqtatıp, yarımadağa qatnağan trenlerni lâğu etti. Qırım trenleri artıq Novoalekseyevka ve Hersonğa qadar yürecek.

XS
SM
MD
LG