«Qırım demir yolu» belgilegen qıtaiy Ukraina ile sıñırğa qadar yürecek trenlerniñ yol fiyatı 800 rublege qadar yete.
Bunı Krım Media haber ete.
Agentlikniñ mühbirine bergen malümatlarğa köre, töşek ile beraber platskart biletiniñ fiyatı 500 rubleni teşkil ete, töşeksiz ise 450 rubleni, küpede – «tahminen 800 ruble».
Aqmescitten Canköyge künde üç kere qatnağan elektriçka ile barıp çıqmaq mümkün. Bilet fiyatı – 41 ruble.
Berilgen malümatqa köre, naqliyat vastalarından iç birisi qıtaiy Ukraina ile «sıñırdan» keçmey. Yolcularğa trennen Canköy stantsiyasına qadar ketip, Çonğar avtobusına minip (fiyatı 70 ruble – muar.), Ukraina tarafında cayav pasport kontrolini keçmege ve avtobus ya da trenge minip, yolğa devam etmege tevsiye etile.
Dekabr 27-den itibaren «Ukrzaliznıtsâ» Qırım ile demir yol alâqalarını toqtatıp, yarımadağa qatnağan trenlerni lâğu etti. Qırım trenleri artıq Novoalekseyevka ve Hersonğa qadar yürecek.
Bundan soñra «Qırım demir yolu» Aqmescit-Canköy, Canköy-Ermeni Bazar trenlerini kirsetti.
