Qırımğa Ukrainadan berilgen elektroenergiya miqdarı 650 mvt oldı, elektroenergiyanıñ söndürüvi kirsetilmeycek.
Bunı Rusiye İnterfaks agentligine bazarertesi künü Qırımnıñ yaqarlıq ve energetika «naziri» Sergey Yegorov bildirdi.
«Ukrainadan ketirilgen energetikanıñ acımı 650 mvt teşkil ete, şahsiy generatsiya da bar küçü ile çalışa. Söndürüvler planlaştırılmay», – dedi Yegorov.
Qırım «naziri» aytqanı kibi, yañı yılnı Qırımda yarıqta qarşılarlar.
Yegorovnıñ sözlerine binayen, Qırımda tamir brigadalarınıñ nevbeti Yañı yılda küçleştirilecek.
Keçken afta Ukraina eki kere Qırımğa elektroenergiyannı berilmesini toqtatqan edi. Bu vaqıtta yarımadada yarıqnıñ qazaiy söndürüvleri yüz bere edi.
«Ukrinterenergo» Qırımğa elektrikanıñ satuvı boyunca mezatnı ilân etken edi. Mezat dekabr 30 künü saat 11:00 keçecek. Mezatnıñ neticesinde olğan fiyat – elektroenergiyanıñ yanvar ayı içün fiyatı olacaqtır.
