Link açıqlığı

İşğal etilgen Qırımnıñ gümrük ve kiriş noqtaları yañı yıl bayramları vaqtında gece-kündüz çalışacaq.

Bunı «Qırım gümrükhanesi»niñ matbuat hızmeti bildire.

Şu cümleden, «Armânsk», «Canköy», «Perekop» avtomobil kiriş noqtaları ve «Armânsk» ile «Canköy» demir yol noqtaları, Kefe, Yalta, Kezlev ve Keriç deñiz nezaret kiriş noqtaları, em de «Aqmescit» ava limanınıñ gümrük noqtaları yañı rejimge keçe.

Evel bildirilgeni kibi, dekabr 26 künü avtomobil ve avtobus stantsiyalarınıñ saipleri Qırımğa biletlerniñ satuvını toqtatmaq kerek edi.

Ukraina infrastruktura nazirliginiñ beyanatına köre, Qırımğa naqliyatnıñ qatnavı «havfsızlıqnı pekitmek» içün toqtatılğan eken.

«Ukrzalіznitsâ» Qırım ile demir yol alâqasını toqtattı ve yarımadağa qatnağan halqara trenlerini lâğu etti.

XS
SM
MD
LG