Saba, dekabr 29 künü, Rusiye çarşısında milliy para birleminiñ tüşmesi yañıdan başlandı.
Kiyev vaqtı boyunca saat 9:30 Rusiyede dollar içün 57 ruble, yevro – 70 ruble bereler. İşbu raqamlar cuma künü, dekabr 26-da, olğan bazarlıqnıñ neticesinden 6% artqan, haber ete Radіo Svoboda.
Dekabr 16 künü bazarlıq sessiyası devamında bir dollar içün 80 ruble ve yevro içün 100 ruble belgilene edi. Rusiye Merkeziy bankı para çarşısında telâş olmasın dep, stavkanı 17% köterdi, Rusiye prezidenti Vladimir Putin ise, mütehassıslarnıñ fikrine köre, dekabr 19 künü ekspertler ile para birlemi kârınıñ satıluvı aqqında añlaşqan edi.
Mütehassıslar rubleniñ yıl devamında 40% tüşmesini Qırım işğali ve Donbass areketleri sebebinden kirsetilgen Ğarpnıñ cezaları ve Rusiyeniñ eksport mahsulatı fiyatlarınıñ ücüz olması ile bağlaylar. Soñki dört ay devamında Brent yermaynıñ fiyatı bir barrel içün 100-den 60 dollarğa tüşti.
