Link açıqlığı

Saatnıñ esas haberi

Rusiye lâğu etilgen Qırım trenleriniñ yolcuları içün Moskva – Belgorod trenini kisretti


«Federal yolcu şirketi» dekabr 28-30 künlerine Ukraina tarafından Qırımğa lâğu etilgen trenlerge biletlerni alğan yolcular içün qoşma Moskva-Belgorod trenini kirsetti.

Bunı RİA Novosti agentligine Federal yolcu şirketi bildirdi.

«Dekabr 28,29,10 künleri №293 Moskva-Belgorod qoşma treni kirsetilecek. İnsanlar lâğu etilgen trenlerge biletlerni qaytarıp, işbu trenge yañı biletlerni satın ala bileler. Bunı, insanlar yañı yılğa qadar evlerine barıp yetsin, dep yapalar», – dep bildirdi müessiseniñ temsilcisi.

O şunı da qoştı ki, tren yalñız Belgorod şeerine qadar qatnaycaq. Soñra yolcular diger naqliyat çeşitleri ile areket ete bilecektir.

Dekabr 27 kününden «Ukrzalіznitsâ» Qırım ile demir yol alâqasını toqtattı ve yarımadağa qatnağan trenlerni lâğu etti. Qırım yönelişi boyunca qatnağan trenler yalıñız Novoalekseyevka ve Hersonğa qadar baracaq. Bunıñ ile Qırımğa halqara seferleri de lâğu etildi: Aqmescit, Keriç-Moskva, Aqyar, Aqmescit, Kezlev-Moskva, Minsk-Aqmescit.

XS
SM
MD
LG