Saba, dekabr 29 künü, Keriç keçitinde ava şaraitleri güzel, yel suratı – 12 m/s. Faqat üyleden soñ Keriç boğazında yel suratı 22-25 m/s yete bilecek.
Bunı Yekâne naqliyat müdirliginiñ matbuat hızmeti bildire.
Soñki malümatqa köre, «Kavkaz» limanında nevbette 880 yengil ve 110 yük maşinası tura, «Qırım» limanında – 10 yengil ve 21 yük maşinası. Yük yolağında: «Novorossiysk» limanında – 159 maşina, Slavânsk-na-Kubani – 201 yük, Keriç ava limanında – 120 avto tura.
Keçken kün devamında 1722 avto ve 5805 yolcu avuştırıldı.
Bazar künü, dekabr 28-de, Keriç keçitiniñ yolcu ve yük yolağı furtuna havfı sebebinden qapalı edi, amma aqşamğa yaqın açıldı.
