Ukrzaliznitsâ tarafından yarımada ile demir yol alâqasınıñ toqtatuvı sebebinden Qırım demir yolu Aqmescit-Canköy, Canköy-Armânsk trenlerini kirsetti.
Bunı Facebook saifesinde «Qırım demir yolunıñ» reberi Andrey Karakulkin bildirdi.
«Rusiye Federatsiyası ve SNG territoriyasında alınğan biletlerni Ukrainadan ğaryı, SNG memleketleriniñ bilet kassalarında qaytarmağa mümkün. Ukrainada satın alınğan biletler yalıñız Ukrainada qaytarıla», – dep yazdı Karakulkin.
Daa da tafsilâtlı malümatnı elde etmek içün demir yol vokzalına muracaat etmek ya da «Qırım demir yolu» saytına kirmege teklif ete.
Dekabr 27 kününden «Ukrzalіznitsâ» Qırım ile demir yol alâqasını toqtattı ve yarımadağa qatnağan trenlerni lâğu etti. Qırım yönelişi boyunca qatnağan trenler yalıñız Novoalekseyevka ve Hersonğa qadar baracaq. Bunıñ ile Qırımğa halqara seferleri de lâğu etildi: Aqmescit, Keriç-Moskva, Aqyar, Aqmescit, Kezlev-Moskva, Minsk-Aqmescit.
