Link açıqlığı

Uquq qoruyıcı: Rusiyede Aqmescit-Moskva treni toqtap qaldı, hadimlerde aş ve aqça bitmekte


Moskvada yedek yolaqlarda endi dört kün devamında Aqmescit-Moskva treni areketsiz tura, içinde demir yolnuñ 80 hadimi bulunmaqta.

Bunı İnsan aqları boyunca qırım alan missiyası bildire.

«Vagonlarda kömür yedekleri bitti, yemek içün aqçaları da bitmekte, amma insanlar mülk içün mesülietli olğanı sebebenden trenni qaldırıp olamaylar», – deyler uquq qoruyıcılar.

Olğan malümatqa köre, demir yol yolbaşçılığı areketniñ ğayrıdan pekitüv tarihı aqqında bir şey aytmay ve meseleni çezmek içün de areket etmeу eken.

Dekabr 27 kününden «Ukrzalіznitsâ» Qırım ile demir yol alâqasını toqtattı ve yarımadağa qatnağan trenlerni lâğu etti. Qırım yönelişi boyunca qatnağan trenler yalıñız Novoalekseyevka ve Hersonğa qadar baracaq.

XS
SM
MD
LG