Aqmescitniñ demir yol kassalarında yolcularğa lâğu etilgen ukrain trenlerine bilet aqçasını qaytaralar. Bunı «Tsentr jurnalistskih rassledovaniy» bildire.
«Kassalarda nevbet aman-aman yoqtır. Ögümde bir qaç insan tura edi, er keske biletniñ tolu fiyatını qaytaralar. Maña 1200 ruble qaytardılar. İç bir problem yoq», ─ dep añlattı neşirge müşterilerden biri Darya.
Onıñ aytqanı kibi, biletni er bir kassada qaytarmağa mümkün.
Dekabr 26 künü «Ukrzalіznitsâ» Qırım ile demir yol alâqasını toqtattı, bunıñ ile yarımadağa qatnağan halqara trenlerni de lâğu etti.
