Link açıqlığı

Odessada patlav yüz berdi. Bir insan elâk oldı


Cumaertesi künü, dekabr 27-de, saba saat 4:30 Odessada Segedskaya soqağı, 9-V adresi boyunca küçlü patlav yüz berdi, neticede bir insan elâk oldı.

Olğan malümatqa köre, patlav soqaqta belgisiz şahıs tarafından patlav aleti avuştırılğanda yüz berdi, haber ete İnterfaks-Ukraina.

Odessa vilâyetinde Ukraina İçki işler nazirliginiñ Baş idaresiniñ cemaatçılıq ile bağ boyunca bölüginiñ yolbaşçısı Volodımır Şabliyenko aytqanı kibi, elâk olğan insannıñ şahısı al-azırda belgisizdir.

Hatırlatamız, dekabr 10 künü Odessa biznes-merkezinde Krasnova soqağında patlav yüz berdi. Soñra millitsiya tarafından bu al terroristik areketi olaraq belgilendi.

XS
SM
MD
LG