Milliy havfsızlıq ve mudafaa şurasınıñ kâtibi Aleksandr Turçinov başqa çare olmasa, cenk vaziyetiniñ kirsetilmesini red etmey. Bunı o «İnter» telekanalında bildirdi.
«Barışıq usullarnıñ neticeleri olmasa, başqa çare qalmaycaq», – dedi Turçinov.
Onıñ aytqanına köre, mobilizatsiyanıñ yañı dalğası ondan evelkileriniñ hatalarını köz ögüne almalı.
«Bugünde-bugün bu iş teşkil etilmesiniñ sisteması olmalı. Ögrenüv sisteması. Azırlıq ve maddiy tehnikiy temin sistemasıdır», – dep qayd etti Turçinov.
