Link açıqlığı

Ukraina prezidenti Petro Poroşenko deputatlarnı devlet bücetini yılnıñ soñuna qadar baqmağa çağıra. Bunı o Yuqarı Rada yolbaşçısı, baş nazir ve koalitsiya fraktsiyaları çoqusınıñ reberligi ile körüşüvinde bildirdi.

«Bugünde-bugün devletimiz ögünde peyda olğan ciddiy çağıruvlarğa cevap bermek kerek: mustaqillik temini, topraq bütünligi, devlet mudafaasınıñ temini. Buña para ve bücet kerek. 2015 senesiniñ bücet tasdıqlanması içün er şey yapmalı», – dep tekrarlay prezidentniñ aytqanlarını onıñ matbuat hızmeti.

Petro Poroşenko Yuqarı Radanı prokuratura qanunınıñ deñişmelerine rey bermege ve «Adaletli mahkeme aqqınıñ temini aqqında» qanunnı qabul etmege çağırdı.

Ukraina Yuqarı Radasınıñ nevbetteki toplaşuvı dekabr 28-ne planlaştırıla. Parlament reberligi deputatlarnıñ dekabr 27-de üyleden soñra toplaşacaqlarını da red etmey.

XS
SM
MD
LG