Moskvanıñ Lefortovo mahkemesi ukrain rejissöri Oleg Sentsovnıñ apis cezasını 2015 senesi aprel 11-ne qadar arttırdı, dep haber ete RİA Novosti.
«Mahkeme taqiqatnıñ Sentsovnıñ apis cezasını arttırmaq muracaatını qabul etti», – dep bildirdi mahkemeniñ matbuat kâtibi.
Rusiye Baş prokuraturası Qırımda FSB tarafından yaqalanğan Oleg Sentsov ve Aleksandr Kolçenkonı Rusiye vatandaşları olaraq tanığanını bildirdi, çünki olar diger vatandaşlıqnı saqlaycaq olğanlarını bildirmegen ekenler.
Mahkeme Aleksandr Kölçenkonıñ apis cezasını da 2015 senesi aprel ayına qadar arttırdı.
