Moskvanıñ Basman rayon mahkemesi qırımtatarlarnıñ lideri Mustafa Cemilevniñ Rusiye Federal migratsion hızmetiniñ Qırımğa kiriş yasağı aqqında qararını qanunsız olaraq tanılması aqqında arizasını baqacaq.
Bunı Cemilevniñ adliyecisi Mark Feygin Twitterde yazıp, mahkeme haberini aydınlattı.
Mayıs 2-de Mustafa Cemilevge beş yıl devamında işğal etilgen Qırımğa kelmege yasaq etildi, iyül 5-te aynı yasaq Qırımtatar Milliy Meclis reisi Refat Çubarovğa seslendirildi.
2014 senesi fevral soñunda mart başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
