Azerbaycan prokuraturasınıñ hadimleri dekabr 26 künü Radio Svoboda («Radio Azadlıg») azerbaycan hızmetiniñ bürosında tintüvni keçirmege başladılar.
Hızmetniñ müdiri Kenan Aliyev aytqanı kibi, prokuraturanıñ eñ azından 10 hadimi ofiske silâlı militsionerler ile keldi.
Şimdilik büronıñ tahminen 20 hadimini bir odada tutalar, ve, olğan malümatqa köre, büro vesiqaları ve hadimlerniñ şahsiy işleri bulunğan seyften anahtarnı talap eteler.
Prokuraturanıñ haber etkenine köre, mahkeme tarafından berilgen tintüv ruhseti çetelden ödenilgen Radio Svoboda azerbaycan hızmetiniñ faaliyeti boyunca taqiqat ile bağlı eken.
Keçken seneleri azerbaycan prokuraturası bu kibi tintüvlerni çetelden ödenilgen diger şirketlerde de keçirgen edi, şu cümleden IREX ve Milliy demokratik institutı.
Neticede ekisini de qapattılar.
Evel Azerbaycan akimiyeti Azerbaycan prezidenti İlham Aliyev qorantasınıñ faaliyeti boyunca taqiqatları ile belli olğan «Radio Azadlıg» jurnalisti Hadice İsmailovanı yaqaladı.
