Link açıqlığı

Ukraina sabıq prezidenti Viktor Yuşçenko Rusiye tarafından işğal etilgen Qırım ve Donbassnıñ bir qısmını, Ukrainanıñ diger regionlarına köre, ukrain hususiyetlerine az saip olğan territoriyalar olaraq tanıy.

Bunı o Ukrainskaya pravda neşirine bildirdi.

«İşğalci, Putinni, sanki o, aqıldan tayğan kibi, açuvlatmağa mümkün, amma, başqa taraftan, öyle bir fikrim bar ki, ukrain menligi az olğan, tilimiz, hatıramız, kilse ve medeniyetimiz az olğan yerlerge kelgendir, sanki», – dedi o.

Yuşçenko şunı da qoştı ki, anda «Lenin abideleri tura, ğurbetlik, yekâne ve bölünmez milletke has olğan er şey coyulğan».

Bunıñ ile Yuşçenko bu territoriyalar Ukrainanıñ olğanını bildirdi ve olar mıtlaqa qaytarılacaq, dep işandırdı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG