Rosselhoznadhor hadimleri Qırımğa Zaporojye vilâyetinden tuvarnı kirsetmege izin bermedi.
Bunı müessiseniñ matbuat hızmeti bildire.
Malümatqa köre, 375 qoy Aqşeyh rayonı Montanay köyünde yaşağan iş adamına yollanılğan edi.
«Vesiqalarnıñ teşkerüvi vaqtında işbu ayvanlarnıñ 21 kün devamında karantinde olğanı aqqında malümat yoq olğanı belgilendi. Bundan da ğayrı, ayvanlarnıñ verem hastalığınına keçken teşkerüvi aqqında da vesiqa yoq. Bunıñ ile Gümrük Birliginiñ territoriyasına ayvanlarnıñ kirsetüv talaplarınıñ bozuluvı yüz bere», – denile Rosselhoznadzornıñ beyanatında.
Ayvanlarnı qıtaiy Ukrainağa qaytardılar.
