Link açıqlığı

Qırım «spikeriniñ muavini» İlyasovnı Meclis reisi vazifesine tayinlemege teklif eteler


Qırım «spikeriniñ muavini» olğan Remzi İlyasovnı Qırımtatar Milliy Meclis reisiniñ muavini vazifesine tayinlemege teklif eteler. Bundan ğayrı, İlyasov Meclis reisiniñ vazifelerini eda ete bile eken.

Bunı Saq regional meclisiniñ yolbaşçısı Eskender Bilâlov matbuat konferentsiyasında dedi, dep haber ete Qırım.Aqiqat mühbiri.

«Qurultay çalışmay, Meclis ise qısmen çalışa. Refat Çubarov qaldırğan muavinler vazifelerini becermeyler. Remzi İlyasovnı Qırımtatar Milliy Meclisiniñ reis muavini olaraq saylap, oña Meclis reisi vazifelerini eda etmek imkânını bermeli», – dedi Bilâlov.

Onıñ qayd etkenine köre, bunıñ içün Qurultay ötkermege acet yoq, bugünki Qurultay da bu meseleni al ete bile.

Belâlovnıñ aytqanına köre, Mecliste İlyasovnıñ tayinlenmesi muzakere etilgen edi, ve azalarnıñ 50% buña qoltutqan eken. Meclis ise bunı red ete.

«Soñki vaqıtları «yapmaq» sözü Remzi İlyasovğa pek kelişe. Ondan halq lideri, Meclis vazifelerini eda etecek kişi, Qırımda itibarlı bir insannı yapacaq ediler, lâkin körgenimiz kibi, o, «piçendeki köpek» aqqında aytıp, bunı nazarda tutqan edi, ğaliba. Men de ondan soramaq isteyim, «piçendeki köpek» kim, aceba?», – dep ayttı Qırımtatar Milliy Meclis reisiniñ muavini Ahtem Çiygoz.

Onıñ fikirince, «memurlar saflarını alğan qırımtatarlar yımşaq kreslolar aqqında tüşünip, qırımtatarlarnıñ problemlerine qulaq asmaylar».

Çiygoznıñ qayd etkenine köre, qırımtatarlarnı esir aluv işleri taqiq etilmedi, bir kimse cezalanmadı, tintüvler ep devam ete, qırımtatarlarğa basqı quvetleşmekte.

Qırımtatar Milliy Meclisiniñ reisi Refat Çubarov yarımadadan tış buluna. Malüm olğanı kibi, Rusiye mahsus hızmetleri oña ve qırımtatarlarnıñ lideri Mustafa Cemilevge Qırımğa kirişni yasaq etti.

XS
SM
MD
LG