Link açıqlığı

İşğal etilgen Qırım akimiyeti Ukrainadan dekabr 24 künü elektroenergiyanıñ berilmemesinden ziyannı belgilep, Kiyevge iddialarını bildirecek ola, – dep bildirdi jurnalistlerge Qırım «baş nazir muavini» Dmitriy Polonskiy.

«Belediyelerde şimdi esabatnı alıp baralar, olardan statistikanı elde etip, onı Qırım nazirler Şurası yanında açılğan mahsus bölükke beremiz. Muzakereler ketişatı çerçivesinde bunı iddia olaraq taqdim etecekmiz», – dedi Polonskiy.

Neticede nasıl esabat olacağı aqqında memur aytmadı.

Çarşenbe künü, dekabr 24-de, Qırım kene ışıqsız qaldı. Svetoforlar çalışmağanı sebebinden soqaqlarda tıqanıqlıqlar, qazalar yüz bere. Qırım «Minergoda» Ukraina yarımadanı eletkrik ceryandan ayırğanı aqqında bildireler.

Dekabr 23 künü «Krımenergo» şirketi kene de qazaiy söndürüv cedvelini işletti.

Aynı vaqıtta, Qırımnıñ öz başına tayin etilgen baş naziri Sergey Aksönov Rusiye ve Ukraina arasında Qırım yarımadasına eletroenergiyanıñ berilüvi aqqında añlaşmanıñ qabul etilgenini bildirdi.

XS
SM
MD
LG