Rejissör Marina Medvedniñ «Babay» mültfilminiñ kösterüvinden endi 960 000 grivna toplanıldı. Aqçanıñ bir qısmı köçip kelgenlerniñ balalarına berilecek.
Bu aqta Ukraina medeniyet Nazirliginiñ matbuat hızmeti bildire.
«Şimdi 4 künlük neticelerimiz bar. «Babay» mültfilmi 25 600 ukrain seyircini celp etti. Misal içün, Ukrainanıñ 123 kinoteatrinde kösterilgen «Semeyka monstrov» mültfilmi bir afta devamında «Babay»dan tek 300 000 grivnadan ziyade topladı. «Pçölka Mayya» içe birinci afta on beş biñ seyirci ve yarım million grivna cıydı. Arzum – «Babay» seyircileriniñ sayısını 200 000 etmektir», – dep añlattı filmniñ prodüsseri ve «Ukranimafilm» studiyasınıñ baş müdiri Eduard Ahramoviç.
Nazirlikniñ malümatına köre, «Babay» mültfilminiñ kösterüvine satılğan er bir biletten bir grivna Qırım ve Donbasstan köçip kelgenlerniñ balalarına berilecek. Böyleliknen, şimdige qadar 25600 grivna toplanıldı.
