Link açıqlığı

Qırımda kütleviy tedbirlerni mahsus ayırılğan yerlerde keçirmege mümkün olacaq. Bu kibi avaleni Qırımnıñ «Nazirler şurası» qabul etti. Aqmescitte böyle dört yer bar. İnsan aqları boyunca Qırım alan missiyası bunı tınç toplaşuv serbestliginiñ bozuluvı olaraq tanıy.

Uquq qoruyıcı teşkilâtta qayd etkenleri kibi, Aqmescitte mitinglerni Qırım cumhuriyetiniñ Zenaat birligi medeniyet Evi yanında, «Konsol» medeniyet ve ticaret merkezi ögünde, Yu.Gagarin bağçasında, ve Qırım cumhuriyetiniñ Zenaat birligi medeniyet Evinden Kiyevskaya soqağı boyunca Salğır özenine qadar keçirmek mümkün.

Uquq qoruyıcılar, misal olaraq, Keriçni ketireler. Anda siyasiy faallik pek küçlü olmasa da, mitingler içün 15 yer ayırılğan.

Amma esas mesele, uquq qoruyıcılarnıñ fikrine köre, «ruhset etilgen» yerlerniñ sayısında degil de, tedbirlerniñ insanlar içün oñaytlı yerlerde keçirmege yasaq etilmesinde saqlıdır.

«Bu avale insanlarnıñ tınç toplaşuvlarnı keçirmege aqlarını sıñırlay. Yani, ruhset etilgen yerlerniñ cedveli bile insanlarnıñ muayyen bir yerde toplanıp, nasıldır bir meselege diqqat çekmege fırsatını yoq ete», – deyler İnsan aqları boyunca Qırım alan missiyasında.

Evel Qırım akimiyeti yarımadada kütleviy numayışlarnıñ keçirilmesi boyunca yañı qaidelerni çıqarğan edi.

XS
SM
MD
LG