Link açıqlığı

Baş nazir muavini Kozak: Rusiye ve Ukraina Qırımnıñ energotеminlevi aqqında muzakerelerni keçire


Rusiye ve Ukraina Qırımnıñ yañı yılğa qadar toqtalmaz energoteminlevi aqqında añlaşa bileler, dep bildirdi «Rossiya-24» telekanalına Rusiye baş nazir muavini Dmitriy Kozak.

Onıñ sözlerine köre, şimdi taraflar arasında muzakereler keçirile. Olarnıñ neticesinde Ukrainağa elektroenergiyanıñ berilüvi aqqında añlaşma imzalanılacaq.

«Mütenasip muqaveleniñ imzalanuvından ve Rusiyeden ukrain energotertibatına elektroenergiyanıñ ketirilüvinden soñ vaziyet deñişir – Ukrainada, em Qırımda da. İşbu muqaveleniñ esas qısmı Qırımnıñ energotеminlevi ile bağlı olacaq»,– dedi Rusiye baş naziri.

Muqaveleniñ imzalanuv tarihı aqqında sualge Kozak «kelecek aftadan işbu muqavele çerçivesinde endi çalışacaqmız» kibi cevapnı qaytardı.

Çarşenbe künü, dekabr 24-de, Qırım kene ışıqsız qaldı. Svetoforlar çalışmağanı sebebinden soqaqlarda tıqanıqlıqlar, qazalar yüz bere. Qırım «Minergoda» Ukraina yarımadanı eletkrik ceryandan ayırğanı aqqında bildireler.

Dekabr 23 künü «Krımenergo» şirketi kene de qazaiy söndürüv cedvelini işletti.

Aynı vaqıtta, Qırımnıñ öz başına tayin etilgen baş naziri Sergey Aksönov Rusiye ve Ukraina arasında Qırım yarımadasına eletroenergiyanıñ berilüvi aqqında añlaşmanıñ qabul etilgenini bildirdi.

XS
SM
MD
LG