Link açıqlığı

Kiyevde deputatlarnıñ ayaqları astında granata patladı


Dekabr 24 künü saat 23:20 «Kiyev» musafirhanesi yanında belgisiz şahıslar deputatlarnıñ ayaqları tübüne patlav aletini attılar. Kiyevde İçki işler nazirliginiñ Baş idaresiniñ yolbaşçısı Оleksandr Tereşçuk aytqanı kibi, işbu insanlar arasında Ukraina Yuqarı Şurasınıñ reis muavini Andriy Parubiy da bar edi, dep haber ete Radіo Svoboda.

«Şimdi kriminalistler bu RPG-5 ya da başqa bir granata olğanını ögreneler»,– denile beyanatta.

«Patlavdan soñ cinayetçi Krepostnoy caddesi tarafına çaptı. Kiyev millitsiyasınıñ hadimleri onı taqip etmege başladı. Taqip devamında belgisiz insan uquq qoruyıcılarğa daa bir granatanı attı, neticede bir millitsioner zarar körip, hastahanege ketirildi. Şimdi taqiqat areketleri devam ete», – deyler uquq qoruyıcılar.

Kiyev şeeriniñ Peçersk rayon idaresiniñ Taqiqat bölügi Cinaiy kodeksiniñ 296 maddesi, 4 qısmı boyunca cinaiy işni açtı.

XS
SM
MD
LG