Link açıqlığı

Ukraina çetel işler nazirliginiñ başı Pavlo Klimkin Milât ve Yılbaş ile hayırlap, Qırım – Ukraina olğanını hatırlata.

Yaltadaki qarlı Qarılğaç yuvası tasvir etilgen hayırlav kartını Klimkin twitter ağında aşkâr etti.

«Ürmetli dostlarım, 2014 senesi köstergen destegiñiz içün sağ oluñız. Sizge tınçlıq, abadanlıq tileyim»,– dep yazdı Klimkin «Qarılğaç yuvası, Qırım, Ukraina» yazılı hayırlav kartında.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG