Link açıqlığı

Saatnıñ esas haberi

Işıqsız qalğan Qırımda tükânlar qapatıla, telefon bağı üzüle


Dekabr 24 künü elektrik cеryansız qalğan işğal etilgen Qırımda alâ daa ışıq yoq. Bunıñ ile telefon bağı ile problemler peyda oldı.

Qırım.Aqiqat mühbiri aytqanı kibi, ne ev, ne cep telefonlar vastası ile bağ qurmağa imkân yoq. Şu cümleden, MTS Rossiya müşterileri bir-birine telefon etip olamaylar, bağ qurğanlarnıñ subetleri ise qısqa ola. Krımenergо qazaiy hızmetleriniñ telefonları da çalışmay.

Aqmescitte alâ daa tıqanıqlıqlar saqlanıla, trolleybuslar qatnamay, adetiy marşrutlar boyunca areket daa da çoq vaqıtqa uzana.

Işıqnıñ olmağanı sebebinden Qırım paytahtında tükânlar qapatıla.

«İşlemekten ne fayda, buzdolaplar, aqça kassaları çalışmay, satıcılar fiyatlarnı bilmey», – dep añlatalar Qırım.Aqiqatqa tükânlarda.

Qırımlılar öz açuvını gizlemey – çoqusı iş yerlerine vaqtında barıp olamay, aqçalarnı bankomatlardan elde etmege imkân yoq, bala bağçaları ve mekteplerde tedbirler toqtatıla, balalarnı evlerine qaytaralar.

«İşimde bugün azırlanmaq kerekligini ayttılar. Qırımda eki kün ne suv, ne ışıq olacaq. Aytalar ki, Yañı yılda da öyle vaziyet ola bile»,– dep añlattı Qırım.Aqiqatqa Aqmescit sakini İrina.

Çarşenbe künü, dekabr 24-de, Qırım kene ışıqsız qaldı. Svetoforlar çalışmağanı sebebinden soqaqlarda tıqanıqlıqlar, qazalar yüz bere. Qırım «Minergoda» Ukraina yarımadanı eletkrik ceryandan ayırğanı aqqında bildireler.

Dekabr 23 künü «Krımenergo» şirketi kene de qazaiy söndürüv cedvelini işletti.

Aynı vaqıtta, Qırımnıñ öz başına tayin etilgen baş naziri Sergey Aksönov Rusiye ve Ukraina arasında Qırım yarımadasına eletroenergiyanıñ berilüvi aqqında añlaşmanıñ qabul etilgenini bildirdi.

XS
SM
MD
LG