Link açıqlığı

«Memorial» uquq qoruyıcı merkez Çeçenistanda Groznıy şeerine dekabr 4 künü ücüm etken boyeviklerniñ tuvğanlarınıñ daa 5 evi yıqtırılğanı aqqında haber ete. Böyleliknen, uquq qoruyıcılarnıñ malümatına köre, yıqtırılğan evlerniñ umumiy sayısı – 15 oldı, dep haber ete Radio Svoboda.

Güdermeste, Koşkeldı, İşhoy-Yurt, Geldagan ve Alpatovo köylerinde evlerni yıqtılar. Geldagande atta ağır tehnika qullanıldı, «evniñ yerinde qurucılıq çöplüginiñ obası qaldı», denile «Memorial»nıñ beyanatında.

Groznıy şeerine dekabr 4 künü olğan ücümden soñra Çeçenistan başı anna-babalar balalarnıñ areketleri içün mesülietli olğanını bildirdi. Onıñ aytqanı kibi, boyeviklerniñ qorantalarını Çeçenistandan quvıp, evlerini yoq etecekler.

«Azaplarğa qarşı komitet»niñ reisi İgor Kalâpin Kadırovnıñ bu kibi sözlerini vazife salâhiyetleirnden üstün çıquvı olaraq tanıdı ve Çeçenistan başına nisbeten cinaiy işni açmağa talabı ile Baş prokuratura ve Taqiqat komitetine muracaat etti.

Soñra Kadırov ücüm etken boyeviklerge aqça bir Kalâpin tarafından berilgeni aqqında aytıp, şimdi ise «nasıldır bir Kalâpin bandit ve olarnıñ tuvğanlarını qorumağa turğanı» sebebinden öz tüşüncelerini bildirdi.

Bunıñ ile, dekabr 18 künü Rusiye prezidenti Vladimir Putin jurnalistlerniñ Çeçenistan vaziyeti aqqında sualine cevap berir eken, Kadırov, Rusiye vatandaşları kibi, memleketniñ qanunlarına riayet etmek kerekligini bildirdi.

XS
SM
MD
LG