Link açıqlığı

Zimbabve naziri Qırımğa kelgeni sebebinden Zimbabve Kiyevden iç bir narazılıq bildirüvini körmedi em de Ukrainada açuvlanmağa acet olmağanını tüşüne, dep bildirdi RİN Novosti agentligine Ukrainada Harare menfaatını temsil etken Rusiyede Zimbabve elçisi Bonifes Guva Britto Çidyausiku.

«Yoq, bizge bir şey kelmedi», – dedi elçi.

O şunı da qayd etti ki, Zimbabve tarafınıñ fikrine köre, Kasukavere Qırımnı Rusiye qısmı olaraq ziyaret etti.

«Rusiyege ziyaret Zimbabve ve Ukraina munasebetlerini bozmazmı degen sual kibi kele. Kasukavere efendi Rusiyeni ziyaret etti»,– dedi Çidyausiku.

Bunıñ ile o, Zimbabve Ukraina mustaqilligini ürmet etkeni aqqında bildirdi.

«Eki taraflama diplomatik munasebtlerimiz bar. Ukraina bizim mustaqilligimizni ürmet etkeni kibi, bizde onıñkini ürmet etemiz. Amma bizde, mustaqil devletlerde olğanı kibi, geosiyasiy vaziyet boyunca farqlı fikirlerimiz bar. Bütün memleketler ile öyle ola»,– dedi diplomat.

Dekabr 20 künü Qırımnıñ başı Sergey Aksönovnıñ Zimbabve Cumhuriyetiniñ naziri Seyvior Kasukuveriile körüşüvi keçti. Dekabr 22 künü Ukraina Çetel işler nazirligi işbu ziyaret ukrain tarafı ile uyğunlaştırılmağanı sebebinden narazılığını bildirdi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG