Link açıqlığı

Ukraina içtimaiy siyaset nazirligi Qırım ve Donbasstan köçip kelgen insanlarnıñ sayısı 730 biñni teşkil etkenini bildire


Dekabr 22-ne qadar Ukraina içtimaiy siyaset nazirligi Qırım ve Donbasstan köçip kelgen 736 169 insannı qayd etti.

Bu aqqında nazirlikniñ matbuat hızmeti bildire.

Berilgen malümatqa köre, 136 691 qoranta umumen 251 mln grivnalıq maddiy yardım aldı.

Dekabr 15-te İçtimaiy siyaset nazirligi Donbass ve Qırımdan köçip kelgenlerniñ sayısı 642 358 insannı teşkil etkenini bildirgen edi.

BMT insan aqları boyunca baş kâtibiniñ yardımcısı İvan Şimonoviçniñ bildirgenine köre, dekabr 12-ne qadar memleket içinde köçip kelgen insanlarnıñ sayısı 542 biñ 80 insannı teşkil etken edi.

XS
SM
MD
LG