Link açıqlığı

İşğal etilgen Qırımda zapt etilgen topraqlardaki inşaatlarnı kelecek seneniñ başında yıqmağa planlaştırıla, dep bildirdi Qırımnıñ öz başına ilân etilgen baş naziri Sergey Aksönov dekabr 23-te Aqmescitteki matbuat konferentsiyasında, dep haber ete Qırım.Aqiqat mühbiri.

Onıñ aytqanına köre, bu meselede milletlerara zıddiyetler yoq.

«Topraq damartılarınıñ berilmesi aqqında qanun Devlet şurasında yarın baqılacaq, ekinci oquv olacaq. Birinci ve ekinci oquv arasında ğayet sıcaq munaqaşalar oldı, lâkin qarar böyle – Qırımda yaşağan Rusiye vatandaşlarınıñ aynı aqqları bar», – dedi Aksönov.

Onıñ aytqanına köre, Qırımda 5-6 yıl evelsi ekspluatatsiyası yapılğan inşaatlar qanunlaştırılacaq.

«Elbette, qorantalar yaşağan azır evlerni artıq bir kimse yıqmaycaq, lâkin yol boyu samozahvatlarnıñ 95% yıqtırılacaq. Bu samozahvatlarda turğan adamlar vesiqalarını teslim etip, qurucılıq içün topraq berilmesine aqqı olğan angi imtiyazı olğanını bildirmek kerekler», – dedi Aksönov.

Dekabr 15-te Aksönov dedi ki, öz başına zapt etilgen topraq damartılarındaki inşaatlar yarım yıl içinde yoq etilecek.

Rusiye arbiy hızmetleriniñ hadimleri Qırımdaki «narazılıq meydanlarını» teşkerip, kendini pek sert alıp baralar. Bunı «Sebat» teşkilâtınıñ vekilleri bildirdiler.

Narazılıq meydanlarınıñ bazı iştirakçileri «Sebat» cemaat teşkilâtınıñ vekilleri ile Qırım «Devlet şurası» deputatlarına muracaatnı yazğanlar, mında olar topraq meselesi boyunca öz noqtaiy nazarını bildirdiler.

XS
SM
MD
LG