Link açıqlığı

Saatnıñ esas haberi

Aksönov bir yıl devamında biñge yaqın ferman ve emirni «işlep çıqardı»


Qırımnıñ öz başına tayin etilgen baş naziri Sergey Aksönov öz işi devamında – fevralniñ soñundan – biñge yaqın ferman ve emirni çıqardı.

Bu aqta Aksönov dekabr 23 künü Aqmescitte matbuat konferentsiyası devamında bildirdi, dep haber ete Qırım.Aqiqat mühbiri.

«Özgün bir yıl. Tarihiy bir yıl olacaqtır, ğaliba, çünki bu er şey on ve yüz yıllarnen muzakere etilecek», – dedi Aksönov «Qırım baari» aqqında.

Onıñ aytqanı kibi, memurlar faal sürette çalıştılar. Böyleliknen, Aksönovnıñ tarafından tahminen biñ vesiqa, Qırım «Nazirler şurası» – eki biñ, «Devlet Şurası» tarafından – 100-ge yaqın vesiqa azırlanıldı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG