Dekabr on doquzı, cuma kününe baqqanda, Qırım ile memuriy sıñırda nezaret noqtalarında maşinalarnıñ nevbeti azlaştı, amma vaziyet ep kergindir.
Bu aqta Ukraina Devlet sıñır hızmetiniñ matbuat hızmeti bildire.
«Bugün saba yarımadağa «Kalançak», «Çaplinka», «Çonğar» kiriş noqtalarından yol alğan yük maşinalarınıñ nevbeti er birinde 400 maşinanı teşkil ete», – denile sıñır hızmetiniñ beyanatında.
«Ukraina Devlet sıñır hızmeti maşinalarnıñ qayd etüv ketişatını tezleştirmek içün areket ete. Şu cumlden, sıñır bölükleriniñ ve naqliyatnıñ qayd etilmesi içün qoşma iş yerlerniñ teşkil etilmesi nazarda tutıla»,– deyler Devlet sıñır hızmetinde.
Mında şunı da qayd eteler ki, Qırımğa yol alğan vatandaşlar öz sualleri ile (044) 527-63-63 telefon nomerası boyunca muracaat ete bileler.
