Rosselhoznadhor inspektorları işğal etilgen Qırımğa eki tonna balıqnı kirsetmediler.
Bunı müessiseniñ matbuat hızmeti bildire.
Rosselhoznadzor bergen malümatqa köre, 2 tonnalıq taze balıq olaraq qayd etilgen yük «Perekop» nezaret noqtasından Herson vilâyetiniñ Sergeyeyevka köyünde yerleşken OOO «Agrosputnik»ten Aqmescitniñ iş adamına yollanılğan edi.
«Rosselhoznadzor idaresiniñ devlet inspektorları yükniñ teşkerüvi vaqtında mahsulatnıñ imalı vesiqada qayd etilgen tarihtan farqlı olğanını qayd ettiler. Balıqnı avuştırğan naqliyat qomşu devletniñ territoriyasına qaytarıldı», – deyler müessisede.
Rosselhoznadzorda qayd etkenleri kibi, nevbetteki künde aynı yükni kene de yarımadağa keçirecek oldılar. Amma onı kene de qıtaiy Ukrainağa qaytardılar.
