Link açıqlığı

Salı künü, dekabr 23-de, Qırımnıñ öz başına tayin etilgen baş naziri Sergey Aksönov matbuat konferentsiyasını keçirecek.

Bu aqta Qırım «ükümetiniñ» matbuat hızmeti bildirdi.

Matbuat-konferentsiyasında iqtisadiyat sualleri, içtimaiy kefalet, havfsızlıq, tibbiy ve sağlıq, energetika ve MKH sualleri muzakere etilecek. Bunıñ ile Aksönov «Qırım baari»niñ neticeleri ve yarımadanıñ inkişafı aqqında tarif etecek.

Matbuat konferentsiyası saat 12:30 başlanacaq ve «Pervıy Krımskiy» telekanalında ve «Krım» radiosından seslendirilecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG