Link açıqlığı

Keriç parom keçitiniñ işi dekabr 23 keçer gecesi ava şaraitleri sebebinden toqtatıldı.

Bu aqta Yekâne naqliyat müdirliginiñ matbuat hızmeti bildirdi.

«Şiddetli ruzgâr sebebinden yük ve yolcu yolaqları qapatılğan», – deyler müdirlikte.

Mında şunı da qayd ettiler ki, dekabr 23 künü, yel suratı 22 m/s yete. Künniñ ekinci yarısında yel suratı 28 m/s ola bile. Qırım gidrometeomerkeziniñ malümatına köre, bu kibi ava şaraitleri daa bir qaç kün devamında saqlı olacaq.

Salı künü, saba, «Kavkaz» limanında 225 yengil ve 81 yük, «Qırım» limanında – 40 yengil ve 30 yük maşinası bekley.

Soñki kün devamında 1442 avto ve 4346 yolcu avuştırıldı.

XS
SM
MD
LG