Link açıqlığı

Ukraina iç bir vaqıt Qırım işğali ile razı olmaz ve, tarihiy adalet pekitilmegence, küreşi devam etecek, dep bildirdi Ukraina prezidenti Petro Poroşenko diplomatik eyyet reberleri ve çetel memleketler temsilcileri ile adetiy körüşüvi vaqtında.

Bu aqta Ukraina devleti başınıñ matbuat hızmeti bildire.

O şunı qayd etti ki, 2014 senesi itibarnıñ qorçalavı boyunca bütün dünya içün bir sınav oldı ve yalıñız ukrainlerni degil de, avropalılarnı da deñiştirdi.

«Areketlerniñ bu kibi ilerilemesi ile iç bir vaqıt razı olmamız. Tarihiy adalet pektilmegence, Qırım içün küreşimiz devam etecek», – dedi Poroşenko.

«Ukrainanıñ mustaqilligi, topraq bütünligi oğrunda küreşi dünya devletleri ile munasebetlerimizniñ esas noqtası oldı»,– dedi o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG