Link açıqlığı

Saatnıñ esas haberi

Qırımda Çernomorskaya teleradiokompaniyasına apis etilgen donatmalarnı qaytardılar


Bazarertesi künü, dekabr 22-de, Qırımnıñ Radiotelevizion merkezi «Çernomorskaya teleradiokompaniyasına» apis etilgen donatmalarnı qaytardı, dep haber ete Tsentr jurnalistskih rassledovaniy.

Neşirniñ malümatına köre, donatmalarnıñ qaytarıluvı aqqında qarar Mahkeme hadimleriniñ Federal hızmeti tarafından çıqarıldı.

TRK «Çernomorskaya» donatmaları ile Tsentr jurnalistskih rassledovaniy ve İnformatsion matbuat-merkeziniñ mülki de qaytarıldı.

Avgust bir künü Mahkeme hadimleriniñ Federal hızmeti vekilleri TRK «Çernomorskaya»nıñ mülkini apis etip, onıñ işini toqtattılar.

Mülkniñ apis etilüvi ÇTRKnıñ RTPTs nisbeten 4 mln ruble miqdarında borcu olğanı sebebinden mahkemeniñ qararı ile keçirildi. Faqat, belli olğanı kibi, o vaqıt borc aqqında Qırım RTPTsnıñ davası mahkemede iç te baqılmağan edi. Avgust 6 künü TRK «Çernomorskaya» davada qayd etilgen paranı töledi.

Avgust 11 künü Qırım Hocalıq mahkemesi RTPTs davasını lâğu etip, telekompaniya mülkinden apis qararını alğan edi. Noyabr 12 künü Aqyar apellâtsion mahkemesi RTPTs şikâyetini red etip, Hocalıq mahkemesiniñ qararını doğru olaraq tanıdı.

XS
SM
MD
LG