2015 senesi Qırımnıñ arbiy bölüklerine yañı uçaq ve vertolötlar kelecek, dep bildirdi Rusiye Arbiy ava quvetleriniñ baş komandanı, general-polkovnik Viktor Bondarev, dep haber ete TASS.
«Bizler Qırımnı zemaneviy aviatsion tehnika ile donatamız, mında er şey yañı olacaq – zenit raket ordularında, radiotehnik ordusında ve, tabiiy ki, aviatsiyada da. Bugün sizler mında, Qırımda, uçacaq tehnikanıñ çoqusını köre bilesiñiz», – dedi baş komandan.
Noyabr 24-te Rusiye prezidenti Vladimir Putin işğal etilgen Qırımda ordularnı ardı-sıra yerleştirgenini bildirdi.
Ukraina RNBO bildirgenine köre, Rusiye Qırımda yañı aviatsiya tümeniniñ bölügini şekillendire.
Avropada NATO silâlı quvetleri birleşmeleriniñ baş komandanı general Filipp Bridlav Qırımda Rusiye ordusınıñ yerleşmesi sebebinden qasevetlengenini bildirdi.
