Aqmescit merkeziniñ bir sıra soqaqları cayav yeri olaraq belgilendi, onı «Qırımnıñ halq imayesi» patrul etecek, dep haber ete Krım Media.
Agentlikniñ malümatına köre, şeer memuriyetiniñ işbu avalesi işke tüşürildi.
Vesiqağa binaen, Serov soq. – K.Marks soq. Başlap Uşinskiy soq. qadar, Puşkin soq. – Uşinskiy soq. Başlap Görkiy soq. qadar, K.Marks soq. – Kirov caddesinden başlap Serov soq. qadar cayav yeri olaraq belgilendi.
İşbu avalege binaen, şeer merkeziniñ havfsızlığını «samooborona» vekilleri temin ete.
Qırım «halq imayesiniñ» rota komandanı Aleksandr Antufyevniñ aytqanına köre, mezkür qararğa şeer sakinleriniñ çoqusı qoltuttı: genç ana-babalar ve ihtiyarlar şeer merkezinde maşina «sessizligini» qayd eteler.
